ООУ Лазо Трповски

На 10 септември годинава, директорот на Агенцијата за цивилно воздухопловство (АЦВ), Драги Стојаноски, им ја врачи наградата на учениците од ООУ „Лазо Трповски“ освоена во Берлин на Меѓународниот училиштен натпревар за воздушен и вселенски сообраќај 2026. ✈️🏆

✈️ Успех во Берлин: Директорот на АЦВ им ја врачи наградата на учениците од ООУ „Лазо Трповски“! 🌍🎖️

На свеченоста присуствуваше и градоначалникот на Општина Карпош, Сотир Лукровски, кој ги поздрави наградените ученици и наставниците ментори, доделувајќи им посебни пофалници од Општината изготвени наменски за оваа пригода.

„Овој успех е потврда дека знаењето, креативноста и посветеноста на младите може да донесе големи резултати. Нашите ученици покажаа дека кога имаат поддршка и можност да го развијат својот потенцијал може да постигнат значајни успеси на меѓународно ниво“, истакна меѓу другото градоначалникот Лукровски. 🤝🏛️

Имено, заедничкиот проект минатата учебна година изготвен од учениците од 4а одделение (сега петтоодделенци), насловен „Нашето патување на Јупитер“, беше координиран од двајца наставници во својство на ментори – Ирена Грегориќ и Стефан Симовски. На свеченоста, од директорот Стојаноски на директорката на училиштето, Христина Ристевска, ѝ беше врачена и пригодна плакета за училиштето доделена од организаторот од Берлин. 🪐👩‍🏫

Во своето обраќање до наградените ученици и наставници, директорот Стојаноски порача:

„Вашиот успех е доказ дека љубопитноста, креативноста и знаењето немаат граници, а вашата посветеност и учеството на меѓународен натпревар со воздухопловен предзнак се особена гордост за Агенцијата за цивилно воздухопловство“. 🌟

Тој нагласи дека преку своите креативни дела учениците не само што го претставуваат своето училиште, туку придонесуваат и кон промоцијата на македонското цивилно воздухопловство пред домашната и меѓународната јавност.

„Вашите макети, вашите идеи и начинот на кој го доживувате воздухопловството покажуваат дека за вас небото не е само нешто што го гледаме над нас. Тоа е простор за размислување, создавање и сонување“, истакна Стојаноски. ☁️🚀

Директорот посочи дека интересот на најмладите за воздухопловството е особено значаен, бидејќи токму денешните ученици се идните генерации кои ќе го развиваат овој сектор. Тој ги охрабри да продолжат да учат, да создаваат и да ги следат своите интереси, посочувајќи дека можеби токму меѓу нив се идните пилоти, инженери, контролори на летање, воздухопловни техничари, експерти за безбедност и сигурност, како и други професионалци во воздухопловниот сектор. 👨‍✈️👩‍🔧

„Нашата обврска не е само да се грижиме за безбедноста и сигурноста на воздухопловниот сообраќај денес. Наша обврска е да придонесеме и за создавање на генерации кои утре ќе го развиваат воздухопловството“, порача директорот на АЦВ. 💡

Во знак на внимание и поддршка, покрај освоената меѓународна награда, АЦВ на учениците им додели и пригодни подароци со воздухопловни мотиви. 🎁

Натпреварот го организира Сојузното германско здружение за воздушна и вселенска индустрија од Берлин, во соработка со Сојузното министерство за економија и енергија на Германија, Сојузната конференција за образование и истражување на Германија, Луфтханза Техник АД и концернот ЕАДС (во чиј склоп влегува и познатиот производител на патнички авиони „Ербас“). 🇩🇪✈️

Конечната одлука во врска со наградите на овој екипен меѓународен натпревар за ученици од трето и четврто одделение годинава ја донесе деветчлено стручно жири составено од претставници на организаторот, универзитетски професори (астрофизичари), наставници, германски владини претставници, германски парламентарци, медиумски работници и претставници на концернот Ербас. 👩‍⚖️👨‍🔬

Подетални информации во врска со натпреварот може да најдете на официјалната веб-страница на организаторот на натпреварот: www.skyfuture.de. 🌐

Учеството на овој меѓународен натпревар ООУ „Лазо Трповски“ го реализираше како воннаставна активност. 📚✨

Стефан Симовски, предметен наставник по германски јазик ✍️