ООУ Лазо Трповски

Издавачката куќа „Арс Ламина“ донираше по 100 книги за десетте основни училишта во Општина Карпош. Во рамки на кампањата „Читањето е супермоќ“, која е поддржана и од Филозофскиот факултет во Скопје како и здружението за дислексија „Ајнштајн“, денеска, во просториите на ООУ „Лазо Трповски“, се одржа презентација која има за цел да се збогати библиотечниот фонд во училиштата и да се поттикнат читачките навики кај децата. 📚

Општина Карпош го ужива овој благодет, кој пред се е од огромно значење за развојот во образованието на децата, а мисијата на кампањата е преку понуда на атрактивни изданија да предизвика и одржи интерес за читање кај учениците. ✨ Издавачката куќа „Арс Ламина“ со години е сериозна поддршка на наставно-образовниот процес со понуда на изданија, што се користат во и надвор од наставната програма.

На денешната презентација присуствуваа директорките на училиштата, библиотекарите како и дел од наставниот кадар од сите основни училишта на територија на Општина Карпош. 📖