Ученичката од 9б одделение Анѓела Станојевиќ континуирано ги добива пофалбите и признанијата не само од своите наставници, туку и на натпреварите и литературните конкурси на кои таа редовно учествува. Нејзините бројни награди му донесоа голем успех и на нашето училиште, со што таа стана негова гордост. Природните науки се нејзина најголема љубов, на општинските, регионалните и државните натпревари, Анѓела е секогаш меѓу првите наградени. Покрај природните науки, нејзини афинитети се и виолината (втора награда на Меѓународен натпревар по инструмент) и пишувањето (три награди на литературни конкурси).
Нашето училиште продолжува да се гордее со оваа прекрасна личност и да ги поддржува нејзините таленти. Анѓела, ти посакуваме бројни понатамошни успеси!