Со искрени пораки од детското срце одбележан Меѓународниот ден на лицата со аутизам

Со грст блескави разнобојни светилки кои треперат и ги разлеваат пораките за еднаквост,љубов и безгранично сакање како мотив за среќа и секојдневна училишна радост ,денеска беше одбележан Меѓународниот ден на лицата со аутизам. Дечињата од нашето училиште заедно со наставниците и образовните асистенти реализираа прекрасна креативна инклузивна работилница со силна порака за подигнување на свеста за аутизмот. Моќта и симболиката на овој ден најавтентично ја опиша еден ученик во својата порака: ,,Аутизмот не е збор за плашење, туку детенце за сакање”.