Спортските успеси на нашите ученици се наша огромна гордост. Првата Македонка во историјата што настапи на трка во Светскиот куп во алпско скијање во слалом во Леви, Финска е Јана Атанасовска, наша поранешна ученичка која пред 4 години го заврши основното образование во ООУ „Лазо Трповски“.

Нашата Јана  досега се истакна со бројни успеси на регионални и меѓународни натпревари,постигна одлични резултати и сега испиша историја натпреварувајќи се рамо до рамо со најдобрите светски скијачки.

Овој настап претставува огромен успех и достигнување не само за Јана, туку и за македонскиот спорт, поставувајќи нови стандарди и инспирација за идните генерации. Јана Атанасовска, која со својата посветеност, истрајност и талент успеа да го достигне светскиот врв, тренираше интензивно и со голема посветеност изминатите години, а нејзиниот успех претставува одличен пример за сите млади спортисти.

Нашето училиште се гордее со успехот на Јана и како и секогаш од срце продолжува да дава најголема поддршка на спортските таленти кои се нашите најголеми амбасадори во светот!