Учениците од ООУ „Лазо Трповски“ успешно го завршија меѓународниот проект „БЕИТ“. Нашите ученици активно учествуваа во сите седум работилници заедно со учениците од останатите училишта. Тие изработија видео за човечноста и флаери за еднаквоста и дискриминацијата. На 27.12.2020 ги посетија своите соученици од второ и трето одделение им ги поделија флаерите и поразговараа со нив на темите еднаквост, хуманост и дискриминација.

Исто така учениците ги прими и директорката на нашето училиште Соња Јовановска. На средбата тие ги споделија нивните впечатоци и искуства од проектот, а директорката ги охрабри и понатаму активно да учествуваат во проекти а и да даваат и свои идеи за разни иницијативи.