Општински натпревар по географија

Општинските натпревари по географија за Скопскиот регион,  се одржаа на 26.01.2019 год. во ООУ „Лазо Трповски“ – Општина Карпош, во организација на Македонско географско друштво. На натпреварот учествуваа 165 ученици од основните и средните училишта и 57 ментори, од 9 општини.

Според пропозициите на Македонското географско друштво на регионалниот натпревар по географија можат да учествуваат сите ученици кои ги освоиле првите места на општинските натпревари и сите кои имаат освоено над 85 поени. Младите географи своите знаења ги покажаа преку решавање на тест, на кој постигнаа високи резултати, почитувајќи го правилникот за одржување на натпреварите по географија. За учество на регионалниот натпревар се пласираа 78 ученици од основните и 17 од средните училишта.

Според освоените бодови, тројца наши ученици од ООУ„Лазо Трповски“, се пласираа за учество на Регионален натпревар: Јана Руфческа (96 бода), на второ место, Павел Руфчески (95 бода) на трето место и Филип Тримоски (91 бод), прва награда, под менторството на д-р Милица Патраклиева.

Голема благодарност до училиштето како домаќин, Македонското географско друштво, до членовите на комисијата и тестаторите кои придонесоа успешно да се реализираат овие натпревари.

Регионалниот натпревар по географија ќе се одржи на 02 Март 2019 год. Честитки на сите пласирани ученици и нивните ментори за постигнатиот успех, со желби за голема среќа и повисоки знаења на регионалниот натпревар.

Автор

д-р Милица Патраклиева

Професор по географија