Наставници наградени за особен придонес во воспитно-образовната работа и афирмацијата на училиштето

По повод Светскиот ден на наставникот – 5. октомври, Општина Карпош им додели благодарници и на четири  наставници од  ООУ „Лазо Трповски“ за нивниот особен придонес во воспитно – образовната работа во училиштето и афирмација на Општина Карпош, и тоа на Даниела Радевска, Милица Патраклиева, Весна Тодоровиќ и Стефан Симовски.
Настанот го организираше Одделението за образование на Општина Карпош, а на наградените наставници благодарниците им ги додели градоначалникот Стевчо Јакимовски.
Даниела Радевска по струка е професор по биологија и хемија, а во училиштето работи деветнаесет години. Во текот на својот професионален ангажман Радевска со своите ученици има освоено многубројни државни и меѓународни награди и признанија.
Милица Патраклиева по струка е професор по географија и доктор на науки, а во училиштето работи триесет години. Во 2022 година го добива звањето наставник-ментор. Добитник е и на признането Просветен работник на годината.
Весна Тодоровиќ по струка е наставник по математика и физика, а во училиштето работи повеќе од триесет години. Во текот на својот професионален ангажман со своите ученици има освоено многубројни државни и меѓународни награди.
Стефан Симовски по струка е професор по германски јазик и книжевност, а во училиштето работи дваесет и осум години. Во текот на својот професионален ангажман Симовски со своите ученици има освоено многубројни државни и меѓународни награди и признанија.