Идните првачиња од градинката Орце Николов на гости во нашето училиште
Чет, 06/4/2023
| Идните првачиња од градинката Орце Николов денеска беа во посета на нашето училиште. Нивните другарчиња од 1а и 1б одделение срдечно ги пречекаа со прекрасно подготвена претстава организирана во училишната Фонтана. Одделенските наставници Надица Чапараткова, Јана Филипова Стојановска, Ирена Грегориќ и Елена Масторидис заедно со првачињата им приредија топло добредојде. Тие ги изненадија со пригодни песнички, рецитали и подароци - украсни моливчиња за секое идно прваче како симбол за новите чекори во образованието! Тимот од градинката заедно со идните првачиња на нашите ученици пак им подарија преубави цртежи! Педагогот и директорот на училиштето ги поздравија децата гостинчиња и ги потсетија дека од 2-ри мај започнува уписот на првачиња за учебната 2023/24 година! Традицијата продолжува!!! |
