СРЕЌЕН И УСПЕШЕН СТАРТ НА НОВАТА УЧЕБНА 2021/22 ГОДИНА!

Весели, насмеани, радосни ученици желни на нови знаења ги исполнија со џагор училниците на нашето училиште. Секако почитувајќи ги протоколите за безбедно одвивање на наставата.

Првачињата со голема возбуда за првпат седнаа во училишните клупи, израдувани од топлиот пречек од новите наставнички и наставници. За нивната радост да биде поголема се погрижи Општина Карпош која им подари ранчиња со прибор, а на клупите ги дочекаа новите бесплатни учебници од МОН.

Учениците од четврто одделение оваа година ги дочекаа новите интерактивни табли подготвени за учење на  дигитални наставни содржини кои треба да внесат квалитет во наставата.

Подготвени започнуваме нов поход по знаења!