Сјајната ѕвезда Катја Танасковска

Катја Танасковска е нашата сјајна ѕвезда – државна првенка и рекордерка во пливање на Република Северна Македонија. Членка е на пливачкиот клуб „Скопје“ и учесничка на многу меѓународни и домашни натпревари во пливање и освојувачка на многу медали и пехари како најдобар пливач.

Да ги издвоиме нејзините моментални најголеми успеси, а тоа се рекордите во дисциплината 50/100/200 метри грбно до 12 годишна возраст.

На митингот „13 Ноември“ одржан на 17, 18.10.2020 година го собори рекордот на 100 метри грбно на пливачката Мирјана Бошевска стар 26/27 години;

На митингот „Vardar Open 2018“ одржан на 01.11.2020 година ги собори рекордите на 50 метри грбно на Миа Блажевска Еминова;

На 100 метри грбно го подобри својот сопствен рекорд;

На 200 метри грбно го собори рекордот на Мирјана Бошевска стар 26/27 години.

ООУ „Лазо Трповски“ се гордее со Катја која слободното време, по вредната работа со училишните обврски, ја надополнува со својата љубов - пливањето.

Неуморната работа е пресликана во нејзините успеси кои се мотив за следни големи спортски достигнувања.