Активности на хорот, натпревари и настапи
Чет, 30/5/2019
| Хорот во учеб. 2018 / 2019 год. учествуваше на натпреварите што ги организира Здружението на музичките педагози на Република Македонија, како и хорските натпревари што ги организира Општината Карпош. Како и секоја година, така и учеб. 2018 / 2019 год. беше и повеќе од успешна за хорот и членовите на хорот при ООУ”Лазо Трповски” Карпош - Скопје , под менторство на наставничката по музичко образование Мира Костовска. Успех е да го добиете она што го посакувате, а среќа да го сакате она што го добивате. Ако го даваме најдоброто од себе тогаш сме успешни. Нови генерации, континуирани успеси и Регионален натпревар ХОР прво место 98 бода. Неизмерна радост, насмеани лица, среќа во душата.. Прекрасно возвишено чувство...среќна и горда на своите ученици... Успехот е едно од многуте достигнувања во животот, но среќата е целта. Ние сo хорот ја остваривме целта. Државен натпревар ХОР прво место 92 бода, продолжени успеси од нови неуморни генерации. Кога небото е граница, кога желбата за музицирање не прекинува, тогаш и сонот станува реалност... Во натпреварувачкиот дел – ВОКАЛНИ ИНТЕРПРЕТАТОРИ, членовите на хорот освоија едно прво ( Лавинија Волнаровска 94 бода ), едно второ ( Ана Јордановска 83 бода ) и две трети места ( Бисера Стојкоска 74 бода и Марија Моцан 73 бода). На училишен хорски натпревар што го организира Општината Карпош,повторно успех и неизмерна среќа и радост за освоено второ место. Членовите на нашиот хор беа избрани помеѓу 10 – те училишта на општината Карпош да ја забавуваат публиката додека комисијата ги вреднуваше хоровите.Тоа беше голема чест и учениците со задоволство го прифатија предизвикот. Возвишени емоции на среќа и радост во мојата душа... едно големо БРАВО за моите мали хористи, се гордеам со сите Вас, Ве сакам од дното на душата и продолжете да победувате...Вашата, сега веќе бивша наставничка Мира Костовска. |
