Државен натпревар по географија 2019
ДРЖАВНИ НАТПРЕВАРИ ПО ГЕОГРАФИЈА Државните натпревари по географија во организација на Македонско географско друштво се одржаа на 19 април 2019 година во просториите на Природно-математичкиот факултет во Скопје. На натпреварот зедоа учество 212 ученици од основни училишта. Сите ученици и ментори добија диплома за учество на државниот натпревар по географија. Во големата конкуренција помеѓу учениците од основните училишта, учениците Павел Руфчески, Јана Руфческа и Филип Тримоски од ООУ „Лазо Трповски“ освоија две прва и една трета награда, под менторство на професорката д-р Милица Патраклиева. Натпреварот се одвиваше во пријатна атмосфера и во исчекување да се изберат најдобрите географи од големата група одлични ученици натпреварувачи. Овој настан прерасна во празник на географијата. За реализација на овој важен настан упатуваме голема благодарност до Природно - математичкиот факултет и Институтот за географија, регионалните координатори на МГД, студентите од ИЗСГ Природник. Огромна благодарност до Тримакс, кој секогаш е поддршка на Македонското географско друштво во реализација на географските натпревари. |
