По повод претстојниот празник 8 Декември – денот на Св. Климент Охридски, Библиотеката „Другарче“, како дел од ЈУ Градската библиотека „Браќа Миладиновци“, по 16-ти пат го организираше традиционалниот зимски литературен конкурс на тема „Приказна од училишната клупа“.

На литературниот конкурс зедоа учество и ученици од нашето училиште, ООУ „Лазо Трповски“ од Скопје, со свои литературни творби. Во голема конкуренција, нашите учесници освоија неколку награди.

Меѓу наградените беа: Софија Јованоска и Викторија Талеска од VIа, со освоена прва награда за творби напишани во проза, и Ана Антовска од VIIб, Андреј Андоновски од VIIа и Анѓела Станојевиќ од IXб,со освоена трета награда за творби напишани во поезија.

На свечениот настан и на доделувањето на наградите учениците беа предводени од наставниците по предметот Македонски јазик, Анамарија Николовска и Љупка Чешмеџиевска, кои исто така се најдоа на списокот за наградени ментори на литературниот конкурс.